لو تــــــدريــــــ..........

لــو تــدري عــنــي
لو تدري عني محال في يوم تتركني
مٌحال تبعد ولو لحظات عن عيني

قلبي يحبك .. وصدك كــاد يقتلني
يا كيف تبعد وحبك ذايبٍ فينــــي

يا كيف بعد الغلا والشوق تهجرني
وعقب الموده قدرت انك تجافينـي

حرام تجفي بعد وصلك وتتعبني
حرام تنسى غـــــرامٍ بينك وبيني

ما أذكر اني بحبك كنت متجني
وافي وانته بهجرانك تجازيني

إن كان حبي بعينك غلطه .. سامحني
بكفيك بوحي وبطوي صفحة سنيني

أدري بقلبك بلحظة شوق يذكرني
أدري مسيرك بعد هجري بتبكيني

وداعة الله يأغلى منّي ومنّي
وداعة الله حبيبي ويا نظر عيني

لو تدري عني محال في يوم تتركني
مٌحال تبعد ولو لحظات عن عيني



من قصائد خالد العيسى