انت القمر.....

أنت القمر ؟
ممكــن دقيقه .. دقيقه وحده بس ارجوك
عندي ســــؤالٍ .. واذا تسمـح تجـاوبني

أنت القـمر ؟ ولاّّ عــمه والا هــو اخـوك
قـول بصـراحه .. دخــيلك بس ريحني

أدريـبك احلى وزين الزين لك مملوك
لكن تــواضع .. ولــو حتى تســايرني

تواضع شويه وقول انه شبيه ابوك
والشمس امك وجاملهم على شاني

جاملهم انته اخاف يغاروا ويحسدوك
لاني بصراحه أنا من قربك أحسدني

طبعا يغاروا .. تحمل بس لا يضرّوك
الله يحفظك خــصوصا منــهم ومـــني

اعذر فضولي وكل الناس إذا سئلوك
ما شفنا مثلك ولا حسنك خطر ظني



من قصائد خالد العيسى